既然大家喜歡大地之子的故事，我就再同大家分享一個有關椰青的故事。話說我經常同大地之子講，椰青好好飲呀☺️佢都會投以羨慕的目光：「我呢世都未飲過椰青，我地國家出產唔到亦無入口😭」於是有一次我地去泰國，佢當然非常熱切咁想試下椰青係咩味啦！點知佢一試愛上❤️咁有一日，我地喺度假屋的泳池邊曬緊太陽的時候，我地突然聽到海邊有人話：「coconut coconut」我地即刻彈左起身。我向佢使左個眼色，佢就直奔左去買椰青。我非常期待一邊飲住個椰青，一邊聽海風。點知！等左勁耐佢都未返，我諗有十分鐘，我估佢可能無散子，我就出去諗住伸出援手。就係呢個時候，我見到大地之子，慢慢咁好似螞蟻搬屋咁將椰青由海灘運送返度假屋，我當時已經見到度假屋有三個椰青，佢再手執三個，我問：「你到底買左幾多個椰青！😵」「十個👉🏻👈🏻」😱😱😱即係仲有四個未拎😂😂😂😂唔怪得咁耐啦，但到底幾鐘意飲椰青要一次買十個？仍然係一個謎。
故事仲未完。
佢去完泰國飲晒人地國家d椰青之後，返到屋企當然要炫耀一下。於是佢同屋企人講，椰青有幾咁好飲清甜。佢屋企人當然又投以羨慕目光啦😍。佢媽媽都不甘示弱，你估我無得飲咩？於是有一日佢喺法羅群島的超市買左個椰子黎飲，一飲，🤢苦夾澀嘅？原來佢買左個有毛毛的老椰子😂😂😂。
所以我今次去法羅群島，一定要將椰青帶畀佢地做手信！於是我同媽媽講如果你買餸見到有就幫我買兩個椰青啦。點知一返到屋企，媽媽買左兩個未劈青的「大椰青」返黎！我三個行李箱已經好爆，真係唔知點容得下佢地。但我去完街返黎，媽媽竟然自己用鋸幫我鋸細左個椰青😭我當下好感動，媽咪真偉大，媽咪我錫晒你。
於是我好順利咁將兩個椰青帶到法羅群島。當天晚上，大地之子的母親召集左家庭會議。佢叫晒全家人黎觀摩呢兩個椰青。「細佬！老公！快d黎廚房。」於是喺大家見證下，佢地嘗試開呢個椰青。（我好後悔無拍片）佢地屋企無大肉刀，於是攞左一把普通菜刀，再加一個螺絲批，一邊劈一邊「叫」開佢，最後一下一「叫」，成個椰青分開左兩半，椰青水即刻流晒落張枱度，好彩媽媽身手敏捷，隨即攞個碗接住個椰青，都救到一部分的椰青水😂😂
那一夜我很開心，法羅群島人真係好純樸同好易滿足，兩個椰青已經令佢地開心左成晚☺️而佢地係真心好感激我帶左兩個椰青畀佢地。唔使客氣😉
Search